Aktori i njohur sidomos për rolin e tij në serialin “Friends”, James Michael Tyler është ndarë nga jeta ditën e djeshme.
Miqtë dhe kolegët e tij, aktoret Jennifer Aniston dhe Courteney Cox ishin të parat që dhanë lamtumirën mikur të tyre në mediat sociale të dielën
Jennifer Aniston, 52 vjeçe, personazhi i së cilës Rachel Green, ishte objekt i dëshirës së Gunther që përbënte historinë e tij kryesore në shfaqje, ndau foto të aktorit të ndjerë, duke shkruar: “Friends” nuk do të kishte qenë i njëjtë pa ty…Faleminderit për të qeshurën që solle në shfaqje dhe në gjithë jetën tonë. Do të na mungosh shumë”.
Ndërsa Courteney, 57 vjeçe, e cila luajti Monica Gellar, shkroi: “Madhësia e mirënjohjes që solle në dhomë dhe e tregove çdo ditë në xhirime është madhësia e mirënjohjes që mbaj për faktin që të njoha ty… Pusho në paqe James”.
Matt LeBlanc, 54 vjeç, i cili luajti Joey Tribbiani, ndau pamjet e Tyler gjatë serive ku shkroi: ‘Ne patëm shumë të qeshura mik. Do të më mungosh. RIP shoku im.’
Lisa Kudrow, 58 vjeç, e cila luajti si Phoebe Buffay, shkroi: ‘James Michael Tyler, do të na mungosh. Faleminderit që ishte aty për të gjithë ne”.
James, u nda nga jeta në moshën 59-vjeçare. Zëdhënësi i aktorit, i cili luajti Gunther në serinë hit të NBC, “Friends” konfirmoi se aktori vdiq në shtëpinë e tij në LA.
Ai u diagnostikua fillimisht me kancer të prostatës në vitin 2018 dhe nuk e zbuloi publikisht betejën e tij deri në fillim të këtij viti, kur tha se shpresonte të rriste ndërgjegjësimin për sëmundjen./revistawho.com
