“Shihemi në gjyq”, nënës i bien të fikët përballë të birit (VIDEO)

Rubrika “Shihemi në gjyq” me Eni Çobanin, ka sjellë sot tek të gjithë shqiptarët një përballje plot tension mes nënës Feride dhe djalit të saj, Elton. Gjatë debatit të ashpër, nënës i kanë rënë të fikët. Sherri mes nënës dhe djalit ishte për një çështje prone. Konflikti mbi lekët e pronat ishte pjesë e zjarrtë e debatit mes nenës dhe djalit që nuk flisnin prej 4 vitesh. Në seancë djali mohoi se nëna e ka rritur me 100 mundime, u shpreh se nëna ka pirë ilaçe kot më kot gjatë gjithë jetës, dhe se atë familja e ka përdorur si “yzmeqar”. Nëna Feride mohoi çdo fjalë të djalit duke thënë se ka bërë operacione në gjoks dhe kurriz, plot 11 të tilla dhe se djalin që e ka rritur me mundime e ka dashur njësoj si dy djemtë e tjerë nga martesa e dytë. Por Eltoni (djali nga martesa e parë) u shpreh se nëna e ka përdorur vetëm për t’i marrë para, ndërsa Ferideja bërtiste se, ajo ka punuar duke pastruar banjot e grekëve në shtetin fqinj për t’i dhënë bukën e gojës. Ka qenë ky momenti kur ajo e pyet të birin nëse ka të drejtë dhe ai shprehet ‘Jo’. Nena rrëzohet në tokë pa ndjenja dhe emisioni rifillon pas publicitetit. Nëna Feride shprehet se pranon se mund të ketë bërë gabim në blerjen e pronës, por nuk pranon dot faktin se djali gënjen në çdo fjalë që thotë ndaj saj. Zonja Eni që kryesonte seancën e pajtimit, u shpreh se dhe Eltoni u largua në gjendje të rëndë psikologjike nga spektakli.