Gwen Stefani ka publikuar këngën më të re , Used to Love You, të cilën e ka shpërndarë edhe në Facebook. Ky projekt muzikor vjen 2 muaj pasi 46-vjeçarja është ndarë nga bashkëshorti i saj, rrokeri Gavin Rossdale.
Videoja është konceptuar me një plan të vetëm, në të cilin shfaqet Stefani duke interpretuar me mimikë çdo lloj ndjeshmërie të këngës. Videoja hapet me Gwen që është dukshëm e mërzitur, me lot në sy dhe zemërthyer.
Me një grim natyral, vetulla të plota dhe buzë rozë mentorja e The Voice duket e përsosur edhe kur qan.
Duket se këngëtarja e famshme këtë herë i është rikthyer muzikës e frymëzuar nga dhimbjet e ndarjes, por ajo që ka rëndësi është se Gwen është e karikuar për të qenë pjesë e sukseseve të mëtejshme në muzikë.
