Xhaketa ikonike prej lëkure bardhezi, e veshur nga Michael Jackson në vitet 1980 në një reklamë të “Pepsi”, u shit në ankand për 286,000 €.
Është një nga më shumë se 200 artikujt e ndryshëm të njerëzve të famshëm që shiten nga “Propstore”, një nga kompanitë më të famshme në botë për shitjen e relikeve dhe kostumeve të njerëzve të famshëm nga biznesi i shfaqjes.
Midis tyre ishin xhaketa e George Michael, një kapëse flokësh e veshur nga Amy Winehouse, sende që i përkisnin David Bowie, anëtarëve të Oasis dhe Beatles.
Jackson u shfaq me një xhaketë bardh e zi në vitin 1984 në një nga të parat e një serie reklamash të Pepsit. Ato reklama sot më së shumti mbahen mend për faktin se gjatë njërit prej xhirimeve atij i morën flakë flokët dhe ai mori djegie pas një problemi me mjete piroteknike, por në atë incident ai kishte veshur një xhaketë tjetër.
