Pas ngjarjes tragjike te Fresku, ku zjarri në pallat karbonizoi brenda ashensorit nënën 29-vjeçare të një djali të vogël, vetëm pak pas reagimit të Operatorit të Shpërndarjes së Energjisë Elektrike vjen edhe sqarimi i Inspektorati Shtetëror Teknik dhe Industrial.
Ai ka dhënë sqarime mbi zjarrin që përfshiu ashensorin e një pallati te zona e Freskut, ditën e djeshme dhe sipas tij, ashensori u përfshi nga flakët pasi mori zjarr depozita e vajit në ashensor, ndërsa përjashton mundësinë e defektit në rrjetin e energjisë elektrike. ISHTI shton se zjarri dëmtoi kabinën e ashensorit, ku më pas shkaktoi vdekjen e banores.
Banorët ankohen se ka pasur luhatje dhe stakime të erngjisë, por OSHEE ka deklaruar se shkak i zjarrit nuk ka qenë shkëndija elektrike.
Nga këqyrja e vendngjarjes nga Inspektorati Qendror Teknik, institucioni përgjegjës qe nxjerr konkluzionet mbi shkaqet e të tilla aksidenteve, rezulton se nuk ka patur asnjë shkëndijë elektrike.
Pas pretendimeve të banorëve se janë ankuar disa herë për ashensorin dhe se askush nuk është përgjigjur për ta mirëmbajtur, burime nga grupi hetimor bënë me dije për ‘News24’ pohuan se ky lloj ashensori që punon me lëndë djegëse duhet të punojë vetëm në fabrika, miniera, por kurrsesi për pallate, duke thelluar kështu më shumë skandalin në këtë pallat, që shkaktoi tragjedinë me një viktimë.
“Nga foto që shihni vërtetohet se kabinat e OSHEE nuk kanë patur asnjë problem, dhe janë stakuar nga ne si masë sigurie për banorët dhe zjarrfikësit. Nëse do kishte shkëndije elektrike, kabina jonë duhet te ishte e nxire nga flakët/ose plasja”, pohuan burimet. Ndërkohë, janë bërë të gjitha matjet deri në nivel kabine dhe rezulton që nuk ka patur luhatje tensioni.
