Fansat duan që interneti t’i kërkojë falje Ariana Grandes për mënyrën se si është trajtuar për marrëdhënien e saj me Ethan Slater.
Nëse e keni harruar, këngëtarja 30-vjeçare ishte e lidhur me aktorin Ethan Slater menjëherë pasi u publikuan lajmet për ndarjen e saj nga Dalton Gomez. Në të njëjtën kohë, Ethan bëri kërkesë për divorc nga gruaja e tij Lilly Jay, me të cilën sapo kishte mirëpritur një fëmijë. Lidhja e re e çiftit ishte një burim i shumë spekulimeve në internet dhe disa njerëz akuzuan Arianën dhe Ethanin për tradhti
Ariana së fundmi tha se ishte ndjerë “thellësisht e keqkuptuar” gjatë vitit 2023, duke aluduar në thashethemet për marrëdhënien e saj. Ajo iu përgjigj drejtpërdrejt kritikëve të saj dhe të Ethanit në këngën e saj të re “Yes, and?”
Fansat në X (Twitter) e kanë kthyer në trend hashtagun #ApologizeToAriana (Kërkojini falje Arianas), me sa duket si përgjigje ndaj një artikulli të publikuar së fundmi, ku ajo u cilësua si një “shkatërruese familjesh”.
Artikulli në fjalë është postuar nga Page Six dhe ka të bëjë me reagimin ndaj këngës së re të Arianës.
Sipas fansave nuk ka “asnjë provë” se Ariana ishte përgjegjëse për ndarjen e Ethan dhe Lilly-t.
“Është koha për t’i kërkuar falje Ariana Grandes,” shkroi një fans ndërsa hashtag u bë viral, duke u bërë thirrje njerëzve që “të ndalojnë së besuari gjithçka që lexoni në internet, veçanërisht kur nuk ka asnjë provë konkrete”.
Dikush tjetër shkroi, “e dini çfarë është qesharake? se disa njerëz që i njoh në jetën reale e kanë kritikuar Arianën se është një ‘shkatërruese familjesh’ ndërkohë që kanë tradhtuar partnerët e tyre.”
