Teksa të gjithë po presin Javën e Modës në New York, e gjithë vëmendja shkoi në Kosta Rika, aty ku u mbajt Java e Modës, (19-24 gusht) në një atmosferë që u bë më shumë se magjike. Supermodeli, aktivisti dhe filantropi shqiptar, Elton Ilirjani hapi 4 shfaqje, për marka dhe kauza të rëndësishme. Frymëzim, elegance, stil, liri, mesazhe që shkruhen në të gjitha gjuhët e botës. Shkëlqim në veshjet e Maria Jose Chavarria Ruiz të“Instituto Nacional de Aprendizaje”, AMAG nga Noly Rodriguez dhe Weise.
Elton Ilirjani mori pjesë për herë të dytë në fushatën e “UNFPA Bodyright”, një rikthim në Kosta Rika për të dhënë mesazhin e fuqishëm për dhunën ndaj grave. “Stop femicideve!”, “Nuk je vetëm”, frymëzim për botën që rrethohet prej dritëhijeve të dhunës ndaj grave.
Mbyllja e Javës së modës u bë nën krijimin e markës boliviane Weise, në dorën e artë të stilistes Ericka Suarez Weise.
“Përgjithmonë e gjelbër” , u shkrua në përgjithmonën e së bukurës, të artit, të modës, të mesazheve që lëvizin botën. Një takim i rastësishëm, ose nga ato që universi i krijon me dorë, ashtu si ai me modelin e njohur Esteban Chavarria Campos, historia e të cilit është e jashtëzakonshme. Një plumb e la në karrigen me rrota, por sot ai është kudo ku është e bukura, për të dhënë mesazhe të ndjera, të paqta, mesazhe me shpresë. Takimi me të për Eltonin ishte një mesazh i qartë i jetës.
Getty, por jo vetëm, tani e kanë shkruar “Elton Ilirjani, SUPERMODEL”. Të gjithë po presin për show-n e radhës. JAVA E MODËS ka udhërrëfyes me emër dhe mbiemër, Elton Ilirjani.
