Përveçse duhet që të kujdesen që e gjithë performanca të shkojë mirë, këngëtaret duhet t’i kushtojnë shumë vëmendje edhe paraqitjes së tyre skenike. Zakonisht publiku është shumë i vëmendshëm ndaj përzgjedhjes së veshjes. Normalisht ndjekja e trendve më të fundit jep një pamje më moderne dhe është e sigurt që pëlqimin e publikut e merr më shpejt. Duket se këtë vit po mbizotëron një trend që shumica e këngëtareve shqiptare e kanë përqafuar shumë shpejt. Në koncerte të ndryshme apo performanca në clube nate vihet re se ato kanë zgjedhur veshje me shumë shkëlqim. Në fakt një material i tillë gjithmonë është cilësuar perfekt për mbrëmjet e natës dhe prandaj këngëtaret e kanë zgjedhur ta kenë patjetër një fustan apo një jumpsuit me shkëlqim. Mund të cilësohet edhe si një veshje e guximshme, megjithatë duhet thënë se tek të gjitha artistet ky element qëndron shumë bukur në veshjet e tyre. /revistawho.com
