Motra mund të të marrë rrobat apo mjetet e ‘make-up’-it dhe të të mërzisë, por sipas një studimi të pasurit e një motre në jetë të bën një person më të lumtur. Ky studim i kryer së fundmi, ka zbuluar se motrat inkurajojnë njëra-tjetrën të shprehin ndjenjat dhe kjo e bën një person më të lumtur. Me siguri këtë gjë e keni provuar vetë të gjithë ju që keni motra, por edhe nëse jo ne kemi shembujt më të mirë në showbiz-in shqiptar.
Eni dhe Greta Koçi
Të dyja motrat kanë arritur sukses të padiskutueshëm në muzikë. Në një intervistë përpara pak kohësh Eni ka thënë se shpesh e identifikojnë si motra e Gretës, megjithatë ajo ndihet shumë krenare për këtë gjë duke treguar lidhjen e fortë që kanë me njëra-tjetrën.
Lori dhe Sara Hoxha
Trashëgimtaret e ‘Top-Channel’ herë pas here në rrjete sociale postojnë fotografi me dedikime të mbushura plot dashuri ose me shprehje sarkastike që vetëm motrat mund ta bëjnë për njëra-tjetrën.
Eranda dhe Irma Libohova
Që në daljen e parë në skenë motrat Libohova kanë qenë të pandara. Jo vetëm në profesion por edhe jashtë tij, Irma dhe Eranda janë mbështetja më e madhe për njëra-tjetrën.
Aurela dhe Blerta Gaçe
Motra më e madhe, Aurela, është më e njohur në Shqipëri, sepse Blerta e zhvilloi talentin e saj në Amerikë. Megjithatë kur Blerta kthehet në Shqipëri nuk ka asgjë që i pengon dy motrat për të qëndruar pranë njëra-tjetrës.
Marina dhe Luana Vjollca
Ato nuk janë të vetmet në familjen Vjollca, sepse Marina dhe Luana kanë edhe dy motra të tjera. Megjithatë ato kanë treguar gjithmonë se motrat janë dashuria më e madhe që kanë në jetë.
Zanfina dhe Adelina Ismaili
Pas vdekjes së nënës së tyre, Adelina dhe Zanfina kanë krijuar një lidhje akoma dhe më të fortë duke u bërë mbështetje për njëra-tjetrën.
Nora dhe Era Istrefi
Midis dy motrave këngëtare të dyja të suksesshme, jo vetëm që nuk ka konkurrencë, por ato janë këshillueset më të mira të njëra-tjetrës.
Viola dhe Petrula Spiro
Për herë të parë ato u shfaqen bashkë në ekran dhe në çdo dalje publike i sheh të pandara. Në çdo udhëtim motrat Spiro i sheh përkrah njëra-tjetrës.
Ingrit dhe Inis Gjoni
Janë bërë të dyja nëna dhe lumturia për to tani është e dyfishtë, sepse kanë dashurinë për njëra-tjetrën dhe dashurinë për Paridin dhe Coco Antonel. /revistawho.com
