Shkollë me emrin “Rita Ora” në Prishtinë, ja plani i këngëtares

Ylli i muzikës pop Rita Ora është e famshme dhe e sukseshsme në të gjithë botën. Mirëpo pavarësisht kësaj këngëtarja ka treguar se nuk i harron rrënjët e saj. Ajo flet shpesh për Kosovën e Prishtinën, e ka vizituar këtë vend e madje ka xhiruar edhe një videoklip. Planet e Ritës nuk përfundojnë këtu. Sipas raportimeve të mediave amerikane, artistja dëshiron të japë edhe kontribut në zhvillimin e shoqërisë kosovare. Sipas “Mirror” këngëtarja ka vendosur të hapë një shkollë në Prishtinë. “Rita asnjëherë nuk do t’i harrojë rrënjët e sa dhe ndërtimi i shkollës është një plan i qëlluar”, tha një burim për “The Sun”. Më tej “The sun” bën me dije se Rita planifikon që shkollës t’i vendosë emrin e saj.