Numri i të prekurve nga Covid-19 ka shkuar në 38 në Shqipëri. Deri më tani, Tirana vijon të mbetet qyteti me numrin më të lartë të të infektuarve.
Sipas raportimeve zyrtare, 505 raste janë testuar, nga të cilat 38 rezultojnë pozitive me koronavirus .
Tiranë – 22
Durrës – 5 (një nga të cilët ka ndërruar jetë)
Lushnje – 2
Rrogozhinë – 2
Fier – 5
Elbasan – 2
Vetëm 12 prej rasteve janë shtruar në spitalin infektiv, dy prej të cilëve (një 66-vjeçar nga Lushnja dhe një 61-vjeçare nga Fieri) i janë nënshtruar terapisë intensive. Pjesa tjetër mësohet të jenë në gjendje të stabilizuar.
Nuk duhet të harrojmë këshillat dhe rregullat kryesore, të lajmë duart dhe të qëndrojmë në shtëpi dhe vetëm kështu mund të kufizojmë rrezikun.
