Argjentina është shokuar pas vdekjes së futbollistit Micael Favre 24 vjec, mesfushor i San Jorge të Villa Elisa. Favre ka vdekur në fushë pasi ka marrë dy goditje në fytyrë nga kolegët kundërshtarë të Defensores de Colon. Në tentativë për t’i marrë topin, Geronima Quintana e ka shtyrë Favren dhe e ka goditur me gju në fytyrë. Pas kësaj ai është ngritur menjëherë, duke reaguar ndaj kundërshtarit. Në stadium janë nxehur gjakrat, teksa një tjetër kundërshtar, Larrosa, e ka goditur sërish Favren në fytyrë. Ishte pikërisht kjo që e rrëzoi atë në tokë. I riu ka kaluar një krizë konvulsive dhe është transportuar menjëherë në spital, ku ka vdekur pak orë më pas.
