Tri shoqe të ngushta nga Uashingtoni, SHBA, festuan ditëlindjen e 100’të këtë fundjave, duke i dhënë një kuptim të ri termit “shoqëri e përjetshme”.
Ruth Chatman Hammett, Gladys Ware Butler dhe Bernice Grimes Underwood të gjitha u rritën së bashku por kurrë nuk kishin menduar se shoqëria e tyre – ose jeta e tyre – do të zgjaste kaq shumë.
“Kurrë nuk kam menduar se do të jetoj deri në këtë moshë”, tha Butler për The Washington Post, transmeton Gazeta Express.
Treshja shkuan në një kishë lokale për të festuar miqësinë e tyre dhe jetëgjatësinë e pabesueshme, të rrethuara nga një numër gjeneratash të familjes dhe miqve.
Një shoqe e katërt, që kishte lindur në verë të vitit 1916 sikur treshja, kishte vdekur para se të arrinte moshën 100 vjeçare. Ato mbajtën pranë portretin e saj, për t’u siguruar se ajo nuk do të mungonte në festë.
Padyshim, këto tri gra janë dëshmi e shoqërisë së përjetshme.
