Pak ditë më parë në rrjet qarkulluan lajmet se Pryanka Chopra kishte vizituar Meghan Markle dhe djalin e saj, Archie. Revista ‘The Sun’, zbuloi gjithashtu se ajo i kishte dhuruar bebes mbretërore një dhuratë të shtrenjtë. Pas gjithë këtyre lajmeve, aktorja ka shkruar në llogarinë e saj në ‘Twitter’ se asnjë prej lajmeve nuk është i vërtetë dhe se kushdo që ka qenë burimi i tyre, duhet t’i kontrollojnë me kujdes informacionet që servirin. Ajo shtoi se kishte ardhur në të njëjtin qytet me Markle për çështje pune.
Kujtojmë se kjo nuk është hera e parë që Chopra mohon këto lloj aludimesh në lidhje me dukeshën e Sussex. Në muajin mars të këtij viti ajo ishte e ftuar në emisionin ‘Watch what happens with Andy Cohen’, ku u pyet nëse ishte prezente në festën e ‘baby shower’ që Meghan organizoi dhe nëse dy mikeshat janë zënë me njëra- tjetrën. Pryanka i mohoi menjëherë këto lajme duke u shprehur se miqësia mes tyre vazhdon./revistawho.com
