Akademia KULT ka shpallur mbrëmjen e sotme 12 çmimet e vitit, mes të cilëve edhe Çmimin Special, i cili shkoi për Petro Zhejin, për trilogjinë “Shqipja dhe sanskritishtja.” Prej vitit 2005, Akademia KULT sjell çdo vit në një mbrëmje gala ndarjen e Çmimeve KULT. Në eventin e mbajtur sonte në Sallën e Koncerteve të Katedrales Ortodokse, ishin të ftuar me dhjetëra artistë të nominuar në të gjitha kategoritë e artit dhe të kulturës, si dhe personazhe të tjerë të njohur, shkruan sot revista “Class”.
Për të 12-in vit radhazi, mbrëmja gala e Çmimeve Kult ka bërë traditë tashmë pjesëmarrjen e emrave më elitarë të artit dhe kulturës shqiptare, jo vetëm brenda, po edhe jashtë vendit.
Edhe këtë herë juria e përbërë nga 126 anëtarë ka bërë zgjedhjet e saj me 12 çmime, përfshirë këtu edhe një Çmimin Special.
12 çmimet e mbrëmjes, shpallur nga Akademia Kult janë:
Libri i përkthyer i Vitit – Edit Dibra
Libri Studimor i Vitit – Aurel Plasari
Libri Artistik më i mirë i Vitit – Parid Teriçi
Kënga më e Mirë e Vitit – Aurela Gaçe
Interpretuesi Lirik – Eva Golemi
Instrumentisti i Vitit – Merita Rexha Tërshana
Balerina e Vitit – Adela Muçollari
Regjia e Vitit – Qëndrim Rijani
Aktorja e Vitit – Zamira Kita
Aktori i Vitit – Sotiraq Bratko
Artisti Pamor i Vitit – Lekë Tase
Çmimi Special – Petro Zheji
