Spektakli “Ferma VIP 2” po afrohet drejt finales, dhe tashmë publiku ka vendosur: Big Mama është finalistja e parë e sezonit të dytë. Gjatë episodit të fundit të transmetuar më 6 qershor, emocionet kanë qenë të mëdha në momentin kur moderatorja Luana lexoi emrin nga zarfi.
Atmosfera në fermë ndryshoi menjëherë sapo Luana njoftoi se kishte në duar verdiktin e publikut, i cili kishte votuar për të zgjedhur të parin finalist që do të shkojë në natën finale më 20 qershor.
Pjesë nga spektakli:
Luana: “Kam tre emra në zarf, atë të finalistit të parë, dhe dy më pak të votuarit. Fermerë erdha te ju për momentin që të gjithë po e prisni. Unë kam në duar zarfin me vendimin e publikut sa i përket finalistit të parë. Duket se ky moment është i paevitueshëm. Publiku ka votuar, finalisti i parë i Ferma Vip është Big Mama.”
Reagimi i Big Mamës ishte i menjëhershëm dhe plot emocion:
Big Mama: “Thashë se më pushoi zemra. I përkulem gjithë popullit shqiptar, faleminderit që më vlerësoni.”
Me këtë vendim, Big Mama siguron vendin e saj në finale, ndërkohë që gara mes pjesëmarrësve të tjerë vazhdon me tension dhe pritshmëri.
