Është mbyllur me një finale fantastike edicioni i parë i Albania-s Got Talent që për 12 net mbajti gjithë shqiptarinë të mbërthyer para ekranit të televizionit Kombëtar Vizion Plus, me juri Agron Llakaj, Adelina Ismajli, Ledina Çelo dhe Kastro Zizo. Një natë magjike dhe plot emocion nën moderimin e Isli Islamit.
Por në fund publiku shqiptar votoi si më të mirin e edicionit të parë të Albania’s Got Talent Tristan Çela.
Një spektakël i vërtetë, ku shfaqja me flluska sapuni nga italiani Stefano Maurielo, akrobatet e “The Madness Leader”, grupi “The Beat Killers” apo Leandra Plaku me lëvizjet e saj si një profesioniste e vërtetë, zërat magjik të Tristan Çelës, Dejzi Zylajt dhe Klejvi Kapetës dhe Cory Cramer, pianisti i vogël Ermes Balili, artistja Arjeta Dhima me kukullat e saj, si dhe performanca në rërë e Fatmir Murrës mbajtën të gozhduar familjet shqiptare mbrëmjen e sotme para ekranit të Televizionit Kombëtar Vizion Plus.
