Prej disa javësh, rrjetet sociale kanë qenë të mbushura me aludime për një ndarje mes Shpat Kasapit dhe partneres së tij, Selvije Jao. Zërat morën hov pas mungesës së tyre të përbashkët në publik dhe disa postimeve enigmatike nga Selvija, që lanë vend për interpretime.
Së fundmi, këngëtari ka zgjedhur të reagojë publikisht përmes një interviste në emisionin “Kosova Live”. Ai mohoi lajmet për një ndarje përfundimtare, duke theksuar:
“Nuk e di nga dolën.”
Shpati pranoi se ka pasur një krisje në marrëdhënien e tyre, por jo ndarje. Sipas tij, ndjenjat mes tyre nuk kanë marrë fund, ndërsa tregoi se një pjesë e keqkuptimeve ka ardhur për shkak të mënyrës emocionale me të cilën Selvija i përjeton situatat:
“Selvija është një person shumë emocional dhe shpesh zgjedh t’i shprehë ndjesitë përmes postimeve në rrjet, çka sipas tij, ka ngjallur keqkuptime.”
Por ndërkohë që Shpati po përpiqet të qetësojë zërat, Selvija duket se nuk e ka pritur me entuziazëm këtë deklaratë. Pa përmendur emra, ajo ka shpërndarë një InstaStory me një mesazh të qartë dhe shumë të fortë, që shumë e kanë konsideruar si një përgjigje ndaj fjalëve të Shpatit:
“Sa prej jush ia keni ruajtur dikujt reputacionin, vetëm duke mos treguar anën tuaj të historisë?”
Nëse do të ketë një tjetër reagim nga çifti, mbetet për t’u parë. Por një gjë është e qartë: marrëdhënia mes tyre është larg të qenit e qartë, dhe publiku është më kurioz se kurrë.
