Sot në “Ftesë në 5” me Bieta Sulon ishin të ftuar Shpat Kasapi dhe e fejuara e tij Selvija, në daljen e tyre të parë çift në një studio televizive.
Çifti tregoi se njohja e tyre ndodhi 3 vjet më parë, kur Selvijes iu desh të grimonte Shpatin për realizimin e një videoklipi.
Ata u bënë miq të mirë dhe rreth një vit më parë i treguan familjeve.
“Unë me babin e Selvës shkoj shumë, e kam shok”, u shpreh Shpati. Nga ana tjetër Selvija pohoi se ka marrëdhënie shumë të mira me nënën e Shpatit, madje sapo zgjohet në mëngjes shkon e përshëndet dhe pinë kafen bashkë.
Çifti tregoi se bashkëjetojnë dhe kanë plane për dasmë të madhe e fëmijë.
“Po studioj që të bëhemi me binjakë”, tha Shpati me humor gjatë intervistës, duke lënë të kuptohet se një bebush është në planet e tyre të afërta.
Në prag Shën Valentini çifti nuk e kurseu as një moment romantik.
Pas kërkesës së Bietës, këngëtari u çua dhe i dhuroi një puthje në ballë e më pas në faqe të dashurës së zemrës./revistawho.com
