Shpenzoi 1 milionë dollarë të llotarisë për gruan me kancer, fiton për herë të 2-të

Herën e parë ndodhi në vitin 2012-të. Bruce Magistro kishte fituar 1 milionë dollarë me një biletë “Gërvisht dhe fito” të blerë në një stacion në Long Island. Pas katër vitesh ai bleu në të njëjtin vend një biletë fituese të lojës “Win for life”, përmes së cilës fitohen 1 mijë dollarë një javë. Paratë që fitoi herën e parë, zotëria i shpenzoi për të kuruar gruan e tij Nick, e sëmurë me kancer e cila vdiq pak kohë më vonë. “Jam i sigurtë që fitorja e dytë ishte një dhuratë që ajo më dërgoi nga qielli. Do t’i përdor paratë për të paguar disa borxhe dhe për pushime me tre fëmijët e të fejuarën time. Ndoshta fitoj sërish. Nuk ka 2 pa 3”, ka thënë Magistro. Ai nuk është i vetmi njeri në botë të cilit fati i ka trokitur dy herë. Një grua në Karolinën e Veriut e sëmurë me kancer në gji, në shkurt të 2016-tës fitoi 1 milionë dollarë në llotari, dhe 250 mijë të tjera muajin e kaluar.