Ata janë bërë prindër të një vajze prej dy muajsh, por duket se celebrimin e dashurisë së tyre do ta bëjnë të tre bashkë në dasmën e pas një viti. Alessio Alia, modeli dhe organizatori i njohur i koncerteve të yjeve ndërkombëtarë ka bërë mbrëmë propozimin e jetës. Një unazë diamanti me vlerë 48 mijë dollarë, një premtim për dashuri të përjetshme dhe voila, partnerja e tij Katherine ka thënë PO-në e shumëpritur me lot në sy. “Pikërisht atëherë kur unë mendova se nuk mund të isha më e lumtur se kaq… kjo ndodhi”, – ka shkruar bukuroshja nga Australia që i rrëmbeu zemrën shqiptarit simpatik, e që propozimin për martesë e mori në ditën ndërkombëtare të nënës. Ndaj bëhuni gati, vitin e ardhshëm kemi një tjetër dasmë VIP. Alessio do martohet! / revistawho.com
