Shpërthen Endri Prifti: Unë kur këndoj pi, s’ma merr njeri lirinë e fjalës

Është diskutuar shumë këto dy ditë situata midis këngëtarit Endri Prifti dhe prezantueses Alketa Vejsiu në skenën e spektaklit “Your Face Sounds Familiar”. Reagimet e fansave ishin të shumta e të ndryshme. Po ashtu dhe vëllai i tij Stefi foli e ironizoi jo pak herë në rrjetet sociale. Mirëpo vetë protagonistët, Alketa dhe Endri preferuan të qëndrojnë të tërhequr, deri më tani. Sot ishte Endri që theu heshtjen. Përmes një deklarate në Facebook, artisti korçar sqaroi se për të pija kur këndon është normale dhe se askush nuk mund t’ia marrë lirinë e fjalës. “Ngjateta ju zotërinj, zonjusha dhe zonja të nderuara! Thashë mos merresha fare por s’mund të rri pa ju kthyer një përgjigjë. E para si fillim, atyre që drejtojnë disa faqet e juaja, janë kthyer tamam Enveristë, që vriste të mirët dhe linte të këqinjtë. E kam fjalën që qindra mesazhe nga njerëzit që shprehen sipas mendimit të tyre të lirë, janë fshirë. Pse-në, mund ta kuptoni vetë. Nëse isha personazhi Vasko Rosi, siç është performanca e spektaklit, atëherë asnjeri nga ju nuk e njihni atë dhe kryesisht drejtuesit e këtij spektakli. Unë nuk kam bërë as 1 të 100-tën e tij. E treta edhe alkoli për burrat është, ishte festë, Dita e Verës, festoni ju apo jo?! Unë isha në një koncert në Elbasan dhe patjetër, që unë kur këndoj pi sepse të gjithë ju që këndoni së bashku me ne pini. E katërta ne kemi patentën tonë, pasaportën tonë, që na i ka dhënë vetë populli ynë i dashur shqiptar, dhe asnjeri s’mund të më marrë lirinë e fjalës. Megjithatë një spektakël ka nga të gjitha llojet e suksesit. Ju uroj shëndet dhe gjithë të mirat të gjithëve!”, ka shkruar Endri Prifti.