Irid Oxa quhet bukuroshja zeshkane tek e cila kthyen sytë mijëra tifozë në Velodrome. Ajo dhe kushërira e saj po aq seksi, ish-konkurrentja e Big Brother Rike Roçi, ishin ndër tifozet më të pëlqyera e të diskutuara mbrëmjen e së mërkurës, në ndeshjen Shqipëri-Francë. Pozat e bukurosheve u bënë hit në mediat e huaja, ndërsa Shqipëria u komentua si një vend me vajza shumë të bukura. Kjo jehonë nuk u prit mirë nga të gjithë. Kishte nga ata komentuas që i kritikuan dy vajzat, sidomos për dekoltenë e tyre të zbuluar. Këto komente nuk i kanë pëlqyer aspak zeshkanes Irid, e cila ka reaguar ashpër përmes një statusi në llogarinë e saj të Instagram, ku prej ditës së djeshme ndjekësit duhet të jenë rritur shumë. “Personat me fjalorin tuaj janë pikërisht ata që na turpërojnë nëpër botë. Ju thjesht komentoni e ofendoni një foto ku gjithë bota komplimenton”, ka shkruar ndër të tjera ajo.
