Shpërthen Leonora Jakupi: Kemi këngëtare të mira, mjaft i dhatë hapësirë atyre pa vlerë

Ka shumë vite në skenë, por nuk mbahet mend për ndonjë skandal. Jeta e saj private mbetet vetëm e saj dhe e paprekur nga mediat. Në fakt Leonora Jakupi, vetë ka dashur kështu duke mos lejuar që ta përziejë profesionin me gjëra që nuk kanë të bëjnë me skenën. Ajo ka arritur deri këtu ku është falë punës dhe angazhimit profesional e jo situatave, nganjëherë edhe të shpikura që bëjnë koleget e saj, për të qenë në qendër të vëmendjes. Në një bisedë për “Magazina.al”, këngëtarja ka thënë se nuk do donte kurrë që përmes skandaleve të qëndronte në skenë. “Jo shumë kolege të miat veprojnë kështu. Sepse skena jonë muzikore ka shumë këngëtarë të mirë. Këngëtaret e reja te ne, pos pamjes, kanë edhe vokalin. Por ka individë të caktuar që mediat ju japin hapësirë e që nuk kanë asnjë lloj vlere. Mendoj se e kanë tepruar duke u dhënë hapësirë atyre njerëzve”, ka thënë këngëtarja, e cila ka paralajmëruar së shpejti një rikthim të fuqishëm në skenë pas një pauze. Me 28 nëntor Leonora ka paralajmëruar një këngë të përpunuar ndërsa së shpejt do të vijë edhe me një album.