Adele është përlotur teksa ka rrëmbyer çmimin e albumit të vitit në ceremoninë e “Grammy Awards”, madje ajo ka deklaruar se këtë çmim e meritonte Beyonce. Por Carlos Santana ka treguar se ai ka qënë dakord me vendimin e organizatorëve të ceremonisë pasi sipas tij, Adele është një këngëtare shumë herë më e mirë sesa Beyonce.
Carlos, i cili ka fituar rreth 10 çmime Grammy në kohën e tij, është shprehur se Bey është më shumë një modele sesa një këngëtare.
Në një intervistë të dhënë për “Associated Press”, këngëtari i hitit “Maria Maria”, ka thënë: “Mendoj se Adele fitoi pasi ajo këndon, vërtet këndon. Me gjithë respektin që kam për Beyonce, ajo është shumë e bukur kur e shikon. Eshtë më shumë një modele sesa këngëtare. Ajo nuk është një këngëtare, me gjithë respektin që kam”./topalbaniaradio
