Shpërthen spikerja ‘topless’: Jetoj sipas mënyrës sime, kanë zili që s’janë si unë

Duhet të jetë ndjerë e paragjykuar për zgjedhjen e saj, që të japë lajmet ‘topless’. Ndoshta për këtë arsye spikerja e “Zjarr Tv”, Greta Hoxha ka shpërthyer në llogarinë e saj të “Facebook” me një status të papritur. Ajo shprehet se me imazhin e saj është duke tronditur shoqërinë e moralshme plot mëkate. “Unë jetoj sipas mënyres time, i shpërfill paragjykimet, por kjo nuk do të thotë se nuk respektoj normat njerëzore, por përsëri “dëmi” që shkaktoj nuk është i paktë.Unë po trondit jetën e atyre njerëzve të paditur në mendje, shoqërinë mendjeshkurtër, shoqëri e moralshme plot mëkate, shoqërinë që brenda saj ndjen zilinë që nuk është si unë, por eci përpara, dhe kjo shoqëri e tillë u shembtë e tëra, unë eci përpara! Unë nuk jetoj për këtë vogëlsi, unë jetoj për gjëra të mëdha, jetoj për njerëzit e vërtetë”, ka shkruar ajo.