Vetëm një ditë më parë u mësua se kompozitori i njohur shqiptar Shpëtim Saraçi dhe bashkëshortja e tij janë larguar drejt Shteteve të Bashkuara të Amerikës.
Kompozitori ka pranuar se gjendet atje por, nuk dihet ende nëse ky largim do të jetë përgjithmonë. Saraçi ka pohuar se nëse merr këtë vendim do të jetë vetëm për të ardhmen e fëmijëve të tij. Por ndërkohë vajza e Shpëtimit dhe këngëtares Mira Konçi prej disa vitesh jeton larg prindërve.
Ajo gjendej në SHBA ku po kryente studimet dhe tashmë është shpërngulur drejt Kinës. Era ndan detaje nga jeta e saj e përditshme për miqtë e saj në rrjetet sociale duke treguar se sa shumë e do jetën dhe mundohet ta jetojë atë në maksimum./ Express
