Ylli i famshëm i ‘Formula 1’, Michael Schumacher, vuan prej më shumë se 6 vitesh pas një aksidenti që ka pësuar teksa bënte ski. Ai dergjet në shtrat, pasi ka marrë goditje të shumta në kokë.
Së fundmi është zbuluar se ai do t‘i nënshtrohet një ndërhyrjeje në tru. Operacioni do kryhet nga një doktor francez, nga Dr. Philippe Menasche, që e ka operuar edhe më parë yllin e ‘Formula 1’.
Mjeku do zëvendësojë qelizat e dëmtuara me qeliza të rigjeneruara nga palca e kockave ose gjaku.
Ky është një lajm shpresëdhënës për Schumacher, por edhe për fansat e tij të shumtë që mezi presin të dëgjojnë lajme të mira për shëndetin e tij.
