Fituese e Miss Universe 2017 u shpall bukuroshja franceze Iris Mittenaere, por edhe vendi jonë nuk doli “duar bosh”. Lindita Idrizi rrëmbeu çmimin “Miss Fotozhenia”, çmim i cili u shoqërua me vlerën monetare prej 1 mijë dollarë. Çmimet “Miss Fotozhenia” dhe “Miss Miqësia” nuk u shpallën gjatë natës finale në Filipine. Organizatorja e Miss Universe, Paula Shugart, tha për mediat se nuk doli koha. “Nuk kishim shumë kohë. Donim të fusnim shumë gjëra në natën finale dhe nuk doli koha. Miss Korea Jenny Kim u votua nga kandidatët e tjerë si Miss Miqësia, ndërsa Miss Albania Lindita Idrizi u emërua si Miss Fotozhenia”, -tha Shugart./revistawho.com
