Pas triumfit që ka elektrizuar gjithë shqiptarët, Luiz Ejlli ka shpërthyer në emocione. Fituesi i “Big Brother VIP Albania” dhe artisti i dashur për publikun reagoi me një postim që ka bërë xhiron e rrjeteve, duke shprehur krenarinë e tij të thellë për Kombëtaren kuqezi.
Në “Instagram Story”, ai shkroi:
“Sonte Shqipëria tregoi shpirtin e një kombi që nuk dorëzohet kurrë.
Kjo fitore është mesazh krenarie, uniteti dhe besimi.
Është kujtesë se kur jemi bashkë, jemi të pathyeshëm.
Sonte kemi dëshmuar se Shqipëria nuk shkon në Botëror për të marrë pjesë, por për të bërë histori!”
Pas fitores 0-1 ndaj Serbisë në Leskovac — me golin vendimtar të Rey Manajt — Shqipëria është ngjitur në vendin e dytë të Grupit K me 11 pikë, duke i lënë serbët katër pikë pas.
Një gjë është e sigurt: ashtu si Kombëtarja, edhe Luizi duket se nuk ka ndërmend “të marrë pjesë”, por të lërë gjurmë.
