Në këto ditë të vështira, pa dyshim ajo që të ngroh zemrën është solidariteti që kanë treguar shqiptarët për njëri-tjetrin. Edhe futbollistja me origjinë shqiptare, Kosovare Asllani, teksa ka qenë në ceremoninë e “Topit të Artë”, ka bërë shqiponjën me duar. Asllani, e cila përfaqëson Suedinë në futbollin e femrave, ishte e nominuar për të fituar “Topin e Artë” për femra. Kosovarja është shqiptarja e parë e cila ka arritur ta veshë fanellën e Realit të Madridit. Kujtojmë se “Topi i Artë” për meshkuj u fitua nga Lionel Messi, i cili tashmë numëron 6 të tillë.
