Ermal Meta dhe Fabrizio Moro me këngën ‘Non mi avete fatto niente’ u shpallën fitues të festivalit italian ‘Sanremo’. Pas një gare shumë të fortë me emrat më në zë të muzikës italiane, Meta-Moro, rrëmbyen çmimin e parë me një diferencë të madhe votash.
Shqiptari Ermal Meta dhe Fabrizio Moro do të përfaqësojnë Italinë në festivalin evropian ‘Eurovision 2018’. Kënga ‘Non mi avete fatto niente’ pas shumë polemikave për plagjiaturë, arriti t’ja dalë mbanë e mbi të gjitha të depërtojë tek zemrat e publikut, për shkak të mesazhit të fortë që përcjell. Për Meta dhe Moro është hera e parë që fitojnë festivalin ‘Sanremo’, por për Ermal Metën është një fitore historike, sepse është shqiptari i parë që fiton në një festival kaq të rëndësishëm italian. /revistawho.com
