Shqiptarja apel “live” në “Canele 5”, Besjana Kosturi: Më përdhunuan por askush nuk bëri zë!

Ditën e djeshme në programin “Domenica Live” në “Canale 5” u trajtua tema e dhunës ndaj grave. Midis të ftuarve ishte edhe shqiptarja Besjana Kosturi, e cila ra pre e përdhunimit në majin e një viti më parë, në kampin e romëve në Prenestino. Ajo bëri apel për luftë ndaj dhunuesve, duke thënë se për rastin e saj nuk foli askush. “Kur më ndodhi kjo e keqe, nuk pata mbështetjen e feministeve, më thonin se isha raciste. Duhen luftuar të gjithë, burra dhe gra bashkë duhet të luftojnë ata që janë monstra. Për disa flitet, për ata që më përdhunuan, edhe pas shpalljes së dënimit, nuk i përmendet as emri. Përse?”, u shpreh ajo.
Në maj 2016 Besjana Kosturi u rrëmbye, drogua dhe përdhunua nga dy romë poshtë banesës së saj. Njëri prej tyre u arrestua menjëherë ndërsa tjetri u shpall në kërkim. Asokohe i ati i Besjanës, Vladimir Kosturi mësues matematike, bëri thirrje publike për manifestim kundër dhunës ndaj grave./ revistawho.com