Dua Lipa është vetëm 20 vjeç dhe për pak duket se do pushtojë botën me muzikën e saj. Emri i saj sa vjen e dëgjohet më shumë e këtë herë ajo do të jetë në kopertinën e numrit të fundit të revistës prestigjoze amerikane, “Elle”, në muajin janar.
Artistja, e cila jo vetëm këndon por edhe shkruan tekste këngësh, ka treguar lumturinë e saj përmes një postimi të bërë në llogarinë e saj të Instagramit, ku shkruan: “Ohh erdhi edhe dita ime. Kjo është kopertina e muajit janar të revistës “Elle” në Amerikë dhe kjo jam unë”.
