Rita Ora është larguar shumë e vogël nga Kosova, megjithatë ajo asnjëherë nuk i ka harruar traditat shqiptare. Sa herë që e gjithë familja e Ritës bëhet bashkë, ne i kemi parë duke folur shqip apo duke shijuar këngët shqiptare. Së fundmi këngëtarja dhe familja e saj kanë festuar në mbrëmje Krishtlindjen dhe sigurisht që as në këtë ditë nuk mund të mungonte muzika shqiptare. Nëna e Ritës ka publikuar në ‘Instagram’ një video të këngëtares duke kërcyer me këngën ‘Valle kosovare’.
Me një shami të kuqe në dorë, Rita e ka shijuar shumë vallen dhe këngën në fjalë.
Duke ditur se jetojmë në një botë të globalizuar dhe ata që jetojnë në Shqipëri po i lënë pas dore traditat, ky veprim i Ritës është vërtet për t’u vlerësuar. /revistawho.com
