Tom Cruise nisi një romancë me modelen ruse Elsina Khayrova, por romanca ishte e shkurtër dhe ata i dhanë fund lidhjes shpejt. Tom vendosi të bënte publike lidhjen e tij në fillim të dhjetorit, por lidhja nuk zgjati më shumë se disa muaj. Sipas një raporti të fundit, Cruise nxitoi shumë dhe Elsinës nuk i pëlqeu kjo gjë.
Cruise ka kaluar tashmë tre divorce në jetën e tij dhe ai ndjeu se mund të anashkalonte disa gjëra duke i kërkuar Elsinës të martoheshin sa më shpejt.
Sipas Radar Online, Elsina Khayrova nuk pranoi të martohej me të pas vetëm disa muajsh lidhje.
Burime të afërta thonë se aktori u dashurua marrëzisht me të në një kohë rekord, por modelja ruse nuk ishte ende e gatshme t’i çonte gjërat në një nivel tjetër. Pavarësisht se tashmë dinin gjithçka për njëri-tjetrin, ajo nuk kishte asnjë tërheqje për mënyrën se si ylli i Hollivudit donte t’i qasej kësaj marrëdhënieje.
