Meghan Markle dhe Princ Harry po nisin një kapitull të ri në jetën e tyre, pasi kanë vendosur të drejtojnë një fondacion bamirësie, duke u shkëputur nga familja mbretërore. Ka kaluar afërsisht një muaj që nga momenti kur dyshja bënë të ditur se u larguan nga fondacioni i bamirësisë së pallatit ‘Kensington’, ku bënin pjesë dhe Princ William me partneren e tij, Kate Middleton.
Sipas dokumenteve të zbuluara nga ‘Eonline’, Meghan dhe Harry do ta emërojnë fondacionin e tyre ‘Sussex Royal’. Ata kanë ftuar disa emra të njohur për të drejtuar këtë fondacion si Sara Letham, e cila ka punuar më parë me fushata politike të Barack Oama dhe Hilary Clinton.
Kujtojmë se duka dhe dukesha e Sussex drejtojnë një sërë fondacionesh, detyrat e të cilave i kanë zbuluar dhe publikisht në evente të ndryshme që ka organizuar pallati mbretëror./revistawho.com
