Ditët e fundit me shi kanë shtuar pyetjet se kur do të hapet koha. Meteorologu Hakil Osmani nga Meteoalb tregon se koha do të hapet në fundjavë, duke e bërë të favorshme edhe për plazh pasi temperaturat do të kenë rritje, me 28-29 gradë maksimalja.
Dita e sotme mbetet me reshje shiu që do jenë prezente kryesisht në veri dhe jug, e marta sjell përmirësim duke bërë që rrebeshet të mbeten prezente, por pasditja sjell përmirësim të kushteve të motit. Nga e mërkura deri të premten do jetë më kthjellime, por sërish në fundjavë do kemi vranësira dhe reshje të karakterit lokal në veri, por me reshje të pakta.
Vlerat termike kanë pësuar rënie gjatë kësaj fundjave, sot do jetë 24-25 gradë, nga e marta dhe e mërkura kemi rritje graduale të temperaturave, 28-29 gradë do shkojnë vlerat maksimale në fundjavë.
Vlera 24-25 gradë janë normale për stinën ku ndodhemi, por në fudnjavë do tejkalohet vlera normale, pasi do jenë dy deri në tre gradë më të larta.
Zonat bregdetare gjatë fundjavës do kenë temperatura të larta të favorshme për plazh dhe mot të qëndrueshëm.
