Një nga reperet më të suksesshme të momentit, Tayna, duket se është kthyer pas në kohë ditën e sotme, duke kujtuar rrugëtimin e saj në muzikë dhe hapat e parë që ka hedhur duke krijuar ‘cover-a’ të ndryshëm të këngëve që kanë sjellë artistët e njohur në tregun muzikor.
“Koha fluturon. Tayna e vogël”, ka shkruar 22-vjeçarja bashkangjitur ‘cover-it’ të realizuar në muajin dhjetor të 5 viteve më parë. Këngëtarja shfaqet me flokë biondë dhe një kapele në kokë, duke treguar se dhe tashmë i përket të njëjtit stil si më parë.
Edhe në dalje të ndryshme publike Tayna ka pohuar se çdo gjë ka nisur duke realizuar këto ‘cover-a’ dhe duke e ditur se një ditë do të ishte shumë e famshme. Aktualisht këngëtarja është duke shijuar suksesin e radhës të këngës me titull ‘Bye Bye’ në bashkëpunim me Dafina Zeqirin, e cila u kthye menjëherë në hit dhe numëron miliona klikime./revistawho.com
