Pak kohë më parë serialet indiane bënin namin në ekranin shqiptar. Me siguri të gjithë e mbani mend Sadnën, e cila ishte ndër të parat aktore indiane që rrëmbeu zemrat e shqiptarëve e pas saj, Kushi, Kumud etj. Prej kohësh nuk kemi dëgjuar më për to, prandaj “revistawho” ju sjell më poshtë disa informacione se ç’ka ndodhur me aktoret dhe si kanë ndryshuar ato.
Sara Khan u bë e njohur si “Sadna” nga seriali “Bidaai”, i transmetuar në Shqipëri në vitin 2014. Sara së shpejti do të bëjë 32 vjeç dhe aktualisht është fokusuar tek karriera. Aktorja ka luajtur në disa seriale dhe më i fundit mban titullin “Santoshi Maa”. Gjatë kësaj kohe, Sara ka publikuar edhe këngë ndërsa në rrjete sociale vazhdon të jetë shumë aktive, si në Instagram, edhe Tiktok. Sa i përket jetës personale, aktorja ka vendosur të mos bëjë asgjë publike.
Parul Chauhan, e cila luante rolin e “Ragnit” në “Bidaai”, ka mbushur këtë vit 33 vjeç. Parul aktualisht po shijon martesën me bashkëshortin e saj duke udhëtuar shpesh. Edhe Parul është shumë aktive në rrjete sociale duke postuar foto e duke na treguar se ka ndryshuar shumë që nga koha e “Bidaait”. Madje ajo vazhdon të ruajë shoqërinë me Sarën dhe ka postuar shpesh foto e video bashkë.
Jennifer Winget u bë shumë e njohur në vendin tonë me rolin e “Kumudit” në serialin “Sarasvatiçandra”. Sot Jennifer mbush 36 vjeç dhe ky vit e ka gjetur të realizuar nga ana profesionale. Ndërsa sa i përket jetës personale, aktorja vazhdon të mbajë të fshehtë çdo të re. Edhe Jennifer vazhdon të jetë shumë aktive në rrjete sociale dhe së fundmi ka realizuar një set fotografik ku shfaqet seksi.
Sanaya Irani u bë e njohur me rolin e “Kushit” në serialin “Si ta quaj këtë dashuri”, i cili u transmetua në Tv Klan në vitin 2017. Edhe Sanaya, 37 vjeç gjithashtu po shijon martesën dhe është shumë aktive në rrjete sociale. Në Instagramin e saj gjen plot foto nga pushimet apo projektet e reja. Ndonëse vitet kalojnë, Sanaya duket se nuk ka ndryshuar aspak në pamje.
Surbhi Chandna, e njohur si “Anika”, pas rolit në serialin “Bixhox me dashurinë”, ka arritur kulmin e karrierës duke luajtur në një nga serialet më të ndjekur në Indi “Naagin”. Aktorja po shijon frytet e punës së saj dhe ka arritur të marrë edhe disa çmime të rëndësishme.
Shrenu Parikh, e njohur si “Gori” kaloi një periudhë të vështirë pas infektimit me Covid, por sot ajo është shëndoshë e mirë. Shrenu poston shpesh në rrjete sociale momente nga jeta e saj dhe projektet e reja. Aktorja vazhdon të jetë një nga të preferuarat e publikut.
