Ylli Limani është një nga talentet më të reja të showbiz-it shqiptar, i cili ka vjedhur zemrat e publikut menjëherë me projektet e tij. Para pak kohësh, në një intervistë me Ermal Mamaqin, Ylli pranoi se kishte një marrëdhënie shumë të mirë me familjen e tij. Këtë e ka vërtetuar dhe ditën e sotme nëpërmjet një postimi në ‘Instastory’. Vëllai i tij, Art Limani, feston ditëlindjen dhe ai ka vendosur t’i dedikojë disa fjalë ‘zemre’. “Artushi..për bebin që na ka çmendur sa herë rrëzohej, se mami gjithmonë na fajësonte mua dhe Hanën. Urime ditëlindjen. Si fëmija më i vogël i familjes, po shpresoj që nuk të kemi lënë me pasoja për gjithë jetën. Të dua”, ka shkruar këngëtari mbi foton e vëllait. Ajo çfarë na ka rënë menjëherë në sy, ka qenë ngjashmëria e tyre dhe duke qenë se kjo ishte hera e parë që Ylli prezantonte vëllain e vogël me ndjekësit, me siguri ai do të marrë shumë ‘fansa’./revistawho.com
