Ermal Mamaqi ndan shpeshherë momentet më të bukura me familjen e tij në llogarinë në ‘Instagram’. Së fundmi moderatori dhe aktori i humorit ka treguar një nga eksperiencat më të vështira që i është dashur të kalojë, kur fle me fëmijë.
“Kur fle natën me kalamajt është sikur fle me VanDamin. Nuk ka rëndësi nëse ata flenë nga ana e gruas, ata përsëri do të të gjejnë ty në errësirë. Sot natën: 3 goditje me kokë, 4 shkelma në fyt dhe 2 grushta turinjve, 3 herë kam rreziku të më dali syri. Mbroni veten miq. Mos flini me fëmijët. Ata nuk dinë ç’bëjnë në gjumë. Ose bëjnë sikur janë në gjumë dhe na rrafin se ne i detyrojmë të hanë bukë dhe të bëjnë mësimet. Kujdesuni për veten. Mbroni partnerin nga fëmijët. Shpëtoni sa më shumë sy të mundeni. Ju përqafoj miq”, ka shkruar Mamaqi krah fotos ku shfaqet së bashku me djalin e tij, Joel.
Ashtu si çdo postim tjetër, edhe ky i fundit ka shkaktuar mjaft të qeshura tek fansat e Ermalit. Kujtojmë se këto muaj aktori është marrë me xhirimet e projektit më të fundit kinematografik, me titull ‘I love Tropoja’, premiera e të cilit do të jetë në 29 janar të vitit të ardhshëm./revistawho.com
https://www.instagram.com/p/B6FufZxBvDf/
