Adi Krasta është treguar gjithmonë shumë i rezervuar përsa i përket jetës së tij private. Ai nuk ka preferuar që familja të bëhet pjesë e profesionit të tij si gazetar. Publiku ka qenë gjithnjë kurioz për të zbuluar diçka më tepër, por Krasta ka treguar kujdes për të mos treguar asnjë detaj. Ditën e sotme, Adi feston 22-vjetorin e martesës me bashkëshorten e tij dhe sigurisht që edhe këtë ditë e ka kujtuar në formën më të thjeshtë. Mund të prisnin të gjithë një foto të tij me bashkëshorten bashkë me një dedikim të gjatë, por jo. Ai thjesht ka publikuar një fotografi të dorës së tij dhe partneres që siç duket është e vjetër dhe duhet të jetë nga dita e martesës. “22 vite të bukura sot”, – ka shkruar Krasta. /revistawho.com
