Si rrallëherë Princ Harry dhe Meghan Markle kanë ndarë më shumë detaje për të voglin e tyre, Archie, teksa kanë qenë duke shpjeguar se sa e rëndësishme është të meditosh. Dyshja ka treguar se vogëlushi i tyre e ka shumë qejf zhurmën e zogjëve dhe gjithë hapsirën që mundet të shijojë teksa mëson hapat e parë në shtëpinë në Santa Barbara.
“Ne jemi ndjerë tepër mirënjohës dhe me fat që kemi mundur të kemi hapësirë të jashtme ku djali ynë mund të ecë hapat e tij të pare. Kjo më kujton se sa njerëz janë grumbulluar me njëri-tjetrin dhe kanë qenë për muaj në atë gjendje duke i shkaktuar shëndetit mendor një sërë problemesh”.
Dyshja gjithashtu zbuloi disa nga teknikat që ata kanë përdorur gjatë vetizolimit për të menaxhuar shëndetin dhe mirëqenien e tyre mendore. Princi Harry u hap në lidhje me praktikën e meditimit dhe sa i rëndësishëm është për të. “Meditimi është kryesor. Unë kurrë nuk kam menduar se do të jem personi që do ta bëj atë,” zbuloi ai./revistawho.com
