Këngëtarja e njohur, Juliana Pasha, ka qenë e ftuar pasditen e sotme tek “Rudina”. Ajo ka treguar për fëmijërinë e saj në Burrel dhe ka ndarë me të gjithë një nga kujtimet më të veçanta të fëmijërisë.
“Unë kam nostalgji për fëmijërinë, më shumë djalë sesa vajzë, kam qenë shumë aktive, shumë e qeshur. Fëmijërinë e kam kaluar në qytetin tim në Burrel deri në moshën 14-vjeçare. Koha jonë, vitet ’80-’90 kanë qenë shumë të bukura, lojëra, aktivitete pafund, aty kam nisur rrugëtimin e këngës në Shtëpinë e Pionerit kam bërë provën për veshin ritmik. Aty kam mësuar të luaj mandolinën, fëmijëria ka qenë e plotësuar me shumë gjëra. Një nga gjërat më të veçanta që bëja si fëmijë ishte se kur dilnin “Këngët e Festivalit” uleshim familjarisht, mami dhe babi e dinin që mua më pëlqente t’i mësoja shumë shpejt këngët, me laps e letër të dy dëgjonin këngët dhe shkruanin tekstin që unë ta kisha gati. Bashkë me shokët dhe shoqet organizoja një minifestival në lagje. Nuk kam menduar asnjëherë për asgjë tjetër veç muzikës”, ka rrëfyer Juliana. Me sa duket pasioni për muzikën është i hershëm, ndaj sot ajo është një nga këngëtaret më të dashura të muzikës ‘live’./revistawho.com
