Bashkëpunimi i motrave Istrefi, Norës dhe Erës, po pritet me padurim nga fansat e tyre. Si Nora ashtu dhe Era, kanë publikuar shpesh foto nga momente të ndryshme të klipit, duke zbuluar ‘look-un’ e tyre, megjithatë ende nuk dihej se kur do të mund ta dëgjonim këngën. Ditën e sotme, motrat kanë publikuar një foto, e cila duket tamam si një kopertinë revisteje prestigjoze, për të zbuluar se kënga do të publikohet në datën 19 prill. Era shfaqet e veshur me një ‘body’ në ngjyrë të zezë dhe sandale të zeza, ndërsa Nora me një ‘body’ dhe taka të bardha. Përveç formave trupore, çfarë tërhoqi vëmendje ishte dhe modeli i ‘çuditshëm’ i flokëve të tyre, të kapura gërshet dhe të ngjitura me njëra-tjetrën. Në foto mungonin komente nga kolegët e këngëtarëve dhe fansave, ku shumica i krahasonin me motrat Kardashian. Mes shumë emrave të njohur, dukej dhe ai i Noizy-t i cili shkruante: “E nxehtë si Nora, e bukur si Era”./revistawho.com
https://www.instagram.com/p/Bv3rm2Oj6tg/?utm_source=ig_share_sheet&igshid=srz8uraw4gsw
