Të qenurit single është një ndër statuset që jo për të gjithë pritet mjaft mirë. Disa e presin në mënyrë mjaft depresive dhe kalojnë një periudhë shumë negative me vetveten, plogështohen dhe nuk shohin se çfarë ndodh me realitetin. Ne do t’ju ndihmojmë me disa këshilla se si të jesh i lumtur edhe vetëm.
-Fillo të duash veten, duke nxjerrë në pah të mirat e tua. Çfarë di të bësh më së miri dhe çfarë dëshiron të arrish. Rikujto të gjitha sfidat që ke kaluar në të shkuarën dhe ke fituar, ja ke dalë. Mendo që përveç teje në këtë botë nuk ekziston asnjë tjetër.
– Nëse nuk je mësuar të qëndrosh vetëm, krijo hapësirën tënde personale. Fillimi gjithmonë është i vështirë, por me përpjekje do t’ia dalësh. Shko në një librari ose kafene dhe fillo të përfshihesh brenda një libri, kështu do të gjesh hapësirën e munguar me dikë dhe nuk do të mendosh për kohën që kalon.
– Bëhu krijues për veten tënde. Pikturo, vizato, dëgjo muzikë, ose luaj një instrument, vizito një galeri apo muze. Mëso diçka të re. Mendo sikur janë ditët e fundit të jetës dhe sa shumë gjëra të kanë mbetur pa mësuar nga kjo botë. Kjo do t’ju motivojë edhe më shumë.
– Qendro pozitiv duke e parë çdo gjë me optimizëm. Jeta nuk është aq e gjatë sa mund të mendohet, prandaj fillo të ndjesh kënaqësi dhe në gjërat e vogla. Ji falenderues për kafen e mëngjesit, apo faktin që mund të shijosh ëmbëlsirën tënde të preferuar. Zgjidh të jesh i lumtur nëse je vetëm. Fokusohu tek e mira dhe shijo lirinë e të qenurit i pavarur. Në jetë gjithçka është kalimtare.
