Në muajin korrik të vitit 2018, Xhensila Myrtezaj dhe Bes Kallaku u bënë prindër për herë të parë me një vajzë, të quajtur Ajka. Që prej atij momenti dyshja ka treguar se e vogla i ka ndryshuar jetën dhe i ka bërë edhe më të lumtur. Në një intervistë të dhënë javën e kaluar në ‘Klanifornia Show’, Xhensila pohoi se dëshironte të kishte 4 fëmijë në të ardhmen, ndërsa së fundmi në një intervistë për ‘Prive’ ka zbuluar se si ka ndryshuar jeta e saj pas ardhjes në jetë të Ajkës.
“Epiteti nënë është gjëja më e mirë që më ka ndodhur dhe besoj se kam bërë gjithmonë zgjedhjen e duhur në kohën e duhur, por këtu mendoj se këtë gjë duhet ta kisha bërë pak edhe më përpara. E them çdo ditë, si kam jetuar unë pa këtë lumturi me emrin Ajka?”, është shprehur Xhensila gjatë intervistës.
Kujtojmë se deri më tani dyshja e njohur kanë qenë mjaft skeptikë lidhur me portretin e vajzës së tyre. Ata publikuan për herë të parë disa pamje të së voglës kur ajo mbushi 1-vjeç, ndërsa në vazhdim Xhensila dhe Besi kanë vendosur të publikojnë foto ku Ajka është me kurriz./revistawho.com
https://m.youtube.com/watch?v=SdHKdDKWKqA
