Si në një telenovelë, Dritan Shakohoxha shijon ushqimet tradicionale në sofrën turke

Telenovelat turke zënë një hapësirë të konsiderueshme në programacionin e shumë televizioneve shqiptare.
Ato janë aq të pranishme sa ndihmojnë të kuptojmë detaje nga kultura dhe tradita turke.
Ato që hera herës shohim në telenovela, gazetari sportiv Dritan Shakohoxha ka vendosur t’i shijojë nga afër.
Në disa foto që Shako ka postuar në ‘Instagram’ shihet se është duke shijuar proçesin e përgatitjes së byrekut në sofrën prej druri, ku një zonjë është duke përgatitur petët sipas metodës tradicionale.
‘Byrek me dhallë’- ka shkruar komentatori bashkangjitur fotove, i ndodhur në një dhomë të dizenjuar me dru dhe totalisht retro.
Gazetari ndodhet në një zonë turistike shumë të bukur të Turqisë, siç është Cappadocia./revistawho.com