Pas shpërndarjes së momenteve nga ceremonia martesore me partneren e tij, Eronita, rrjetet sociale u ndezën jo vetëm nga urimet, por edhe nga komente thumbuese. Duke qenë se kjo është hera e tretë që këngëtari kurorëzon dashurinë, një pjesë e ndjekësve vendosën ta kthejnë jetën e tij private në temë debati publik.
Mesazhe si: “Uroj të jetë torta e fundit”, “Si nuk përton të martohesh” apo “Nuk paska punë tjetër veç të martohet e të ndahet”, qarkulluan gjerësisht, duke u bërë virale për disa ditë me radhë.
Megjithatë, Blero nuk u përfshi në replika apo sqarime të gjata. Ai zgjodhi një mënyrë shumë më të qetë për të reaguar, një postim të shkurtër në rrjetet sociale, që u lexua si përgjigje e drejtpërdrejtë ndaj gjithë zhurmës.
Në një foto nga dasma, ku shihet duke kërcyer dhe duke shijuar momentin, artisti shkroi:
“A ju duket sikur më… gëzuar për dashurinë!”
Me këtë fjali, Blero la të kuptohej se komentet negative nuk e prekin dhe se fokusi i tij mbetet tek ndjenjat dhe lumturia personale. Reagimi u interpretua gjerësisht si një përgjigje ironike, por edhe si një mesazh i qartë qetësie dhe vetëbesimi.
